ამერიკელი მსახიობი ეშტონ კაჩერი კომპანია Apple-ის დამფუძნებლის, სტივ ჯობსის შესახებ ბიოგრაფიულ ფილმში მთავარ როლს შეასრულებს. ცნობილია, რომ ფილმის სახელწოდება "ჯობსი" იქნება.
ფილმი ”ჯობსი” დამოუკიდებელ კინოპროექტს წარმოადგენს. მისი რეჟისორი კი ჯოშუა მაიკლ სტერნი იქნება. რეჟისორის ფილმოგრაფიაზე სულ რამდენიმე ფილმი ირიცხება, ერთ-ერთი მათგანი ”Carnaval” 2012 წელს გამოვა კინოეკრანებზე. 2008 წელს გამოსული ფილმი ”Swing Vote” კი ყველაზე წარმატებული იყო რეჟისორის კარიერაში.
თუკი ”ჯობსის” თემატიკას გავითვალისწინებთ ისიც უნდა ვივარაუდოთ, რომ ყურადღების მიღმა არ დარჩება და შესაძლოა არაერთი ჯილდოს მფლობელიც გახდეს. თუმცა ვრცელდება ინფორმაცია, რომ სტივ ჯობსის შესახებ ფილმის გადაღებას ”Sony Pictures”-იც გეგმავს. ვნახოთ გაამართლებს თუ არა პროექტი. ამისათვის კი ისღა დაგვრჩენია სურათის კინოეკრანებზე გამოსვლას დაველოდოთ.
